كوردی
گۆڤاری ئایندەناسی ژمارەی چواردەیەم (14)، ئەیلول 2022
گۆڤاری ئایندەناسی ژماره چواردەی (14)، لە مانگی ئەیلولی 2022، كه‌وته بەر دیدی خوێنەران. گۆڤاری ئایندەناسی، گرنگی بە توێژینەوە ستراتیژی و ئایندەییەكان دەدات، وەرزانە لەلایەن “سەنتەری لێكۆڵینەوەی ئایندەیی” دەوەشێنرێت.
لە ژمارەی نوێی گۆڤاری ئایندەناسیدا دۆسێی تایبەت بەدۆخی ئابووری (هەڵئاوسان و سیاسەتی نەختینەیی) بە هەرێمی كوردستان و وڵاتانی هەرێمی ئامادە كراوە. وەک نەریتی هەر ژمارەیەکیش، کتێبێکی ئایندەیی، چەمکێکی ئایندەیی و ڕاپۆرتێک لەبارەی بابەتێكی پەیوەندیدار بە هەرێمی كوردستان و دۆسێی تایبەتی ئەم ژمارەیە ئامادە کراوە.
ژمارەی چواردەیەمی گۆڤاری ئایندەناسی ئەم بابەتانە لە خۆ دەگرێت:
♦ سەروتار
-ئاسایشی كوردستانی له‌به‌رده‌م گۆڕانكارییه هه‌رێمی و نێوده‌وڵه‌تیه‌كاندا… د. یوسف گۆران
♦ توێژینەوەی ناوخۆیی
-سیاسەتی دراو؛ ئامراز و ئامانجەكان…د. ئیدریس ڕەمه‌زان كۆچه‌ر
♦ توێژینەوەی وەرگێڕاو
– هەڵئاوسان و بەرزبوونەوەى نرخی کاڵا لە تورکیا…وەرگێڕان : ڕەنجە عەبدوڵا
-خوێندنەوەیەك لە بارەی ڕەوشی ناوەندەكانی هزر لە جیهاندا…وەرگێڕان یاسین عه‌زەم
♦ ڕاپۆڕتی ئایندەیی
-لاوازی سیستمی دارایی و نەبوونی بانکی ناوەندی لە هەرێمی کوردستان… ئامادەكردن: عەدنان ئەحمەد
♦ کتێبی ئایندەیی
-بۆچی سەركردەكان درۆ دەكەن؟… زانا كریم
♦ فەرهەنگی ئایندەناسی
-مێژووی جێگرەوە(به‌دیل)…ئامادەكردن: هەردی مەهدی میکە
ئامانجی گۆڤاری ئایندەناسی، گرنگیدانە بە لێکۆڵینەوەکانی ستراتیژی و ئایندەیی بە تەوەرێتی و گرنگیدانی بە کوردستان و هەرێمایەتی و دۆخی نێودەوڵەتی پەیوەست بە ناوچەکەوە بە ئامانجی تێگەیشتن لە ئێستا و ئایندەی وەرچەرخانە جیهانیی و هەرێمییەکان و کاریگەرییان لەسەر کوردستان. بواری توێژینەوەی ئەم گۆڤارە بریتییە لە سیاسەتڕێژی کورتمەودا و دورمەودای کوردستانی، شرۆڤەی سیاسەتی وڵاتانی هەرێمایەتی.
