ژمارە نۆ(9)

گۆڤاری ئایندەناسی ژماره نۆی (9) حوزەیرانی ٢٠٢١، كه‌وته‌ بەر دیدی خوێنەران. گۆڤاری ئایندەناسی، گرنگی بە توێژینەوە ستراتیژی و ئایندەییەكان دەدات، دوو مانگ جارێك لە لایەن “سەنتەری لێكۆڵینەوەی ئایندەیی” دەردەچێت.

لە ژمارەی نوێیدا، دوسێی ئەم ژمارەیە، هەوڵێکە بۆ تێگەیشتن لە کوردستانی چواربەش و پەرتەوە بۆ ئەگەری هاتنەکایەی کوردستانێکی هەماهەنگ و تەگبیرێکی چوارقۆڵی کوردستانییانە، لەم پێناوەدا بابەتەکان زۆرینەیان تایبەتن بە پرسی کورد لە هەر چوار بەشی باکوور، باشوور، ڕۆژهەڵات و ڕۆژئاوا لەگەڵ پایتەختەکانی ئەنکەرە، بەغدا، تاران و شامدا و پێگەی کوردستان لە ڕووی سیاسییەوە لە ئاستی هەرێمی و نێودەوڵەتییەوە ئامادە كراوە، دۆخی کورد وەک ئەکتەرێکی نادەوڵەتی و کاریگەریی و کارتێکراویی لە ئێستا و ئایندەیەکی نزیکدا ڕوون کراوەتەوە، بۆیە زۆرینەی بابەتەکانی ئەم ژمارەیە لە سەروتارەوە تا توێژینەوە و ڕاپۆرتەکان لەو جەمسەرەدا دەخولێنەوە. وەک نەریتی هەر ژمارەیەکیش، کتێبێکی ئایندەیی، چەمکێکی ئایندەیی و ڕاپۆرتێک لەبارەی بابەتێكی هەنووكەیی پەیوەندیدار بە هەرێمی كوردستان و عێراق ئامادەکراوە.

ژمارەی نۆیەمی گۆڤاری ئایندەناسی ئەم بابەتانە لە خۆ دەگرێت:

♦  سەروتار

• لە کوردستانی چوارسەرەوە بۆ کوردستانی چوارقۆڵی

♦  توێژینەوەی ناوخۆیی

• – ئایندەناسی، پێشبینی و بەرنامەڕێژی؛ لێكچوون و جیاوازییەكان

– لە کابووڵەوە تا بەغدا؛ عێراق و هەرێم لە ئەگەری ئەرکگۆڕینی سوپای ئەمەریكادا

– گرەو لەسەر کوردانی دڵشکاو؛ گێچی کورد لە تەرازووی هەڵبژاردنی ٢٠٢٣-ی تورکیادا

– سەردەمی ڕەئیسی و ئایندەی ڕۆژهەڵاتی کوردستان

– بەڕێوەبردنی ڕووسیاییانەی قەیرانى سووریا و كاریگەریی لەسەر ڕۆژئاوای کوردستان

♦  توێژینەوەی وەرگێڕاو

– ئاڵنگارییەکانی بەردەم بایدن: ئۆتۆنۆمیی کوردی و فراوانخوازیی تورکی

♦  ڕاپۆڕتی ئایندەیی

– وانە ئەفغانستانییەکان لە عێراق؛ ئەگەرەکانی پاش ڕۆڵگۆڕێن یان کشانەوەی هێزەکانی ئەمەریکا

♦  کتێبی ئایندەیی 

– دووبارە بیرکردنەوە لە شیرازەی نوێی جیهانی

♦  فەرهەنگی ئایندەناسی

 – سیناریۆ و بەرنامەدانان بەپێی سیناریۆ

ئامانجی گۆڤاری ئایندەناسی، گرنگیدانە بە لێکۆڵینەوەکانی ستراتیژی و ئاییندەیی بە تەوەرێتی و گرنگیدانی بە کوردستان و هەرێمایەتی و دۆخی نێودەوڵەتی پەیوەست بە ناوچەکەوە بە ئامانجی تێگەیشتن لە ئێستا و ئایندەی وەرچەرخانە جیهانیی و هەرێمییەکان و کاریگەرییان لەسەر کوردستان. بواری توێژینەوەی ئەم گۆڤارە بریتییە لە سیاسەتڕێژی کورتمەودا و دورمەودای کوردستانی، شرۆڤەی سیاسەتی وڵاتانی هەرێمایەتی.

دۆسێی تایبەتی ئەم ژمارەت تەرخان كراوە بۆ  …