سەرەتای سیمپۆزیۆمەكەش وتەی بەخێرهاتن لە لایەن د. تارا عومەر-ەوە پێشكەشكرا، هەروەها باشی پرۆگرامەكانی سیمپۆزیۆمەكە كرا كە خۆی لە باسكردنی بابەتی هاوڕێ و دوژمن لە سیاسەتدا لە رووی ئەخلاقیاتی سیاسی و لە رووی پەیوەندی یە نێودەوڵەتییەكان و رێخستنی پەیوندی هاوڕێیەتی و رێكخستنی پەیوەندی هاوڕێیەتی و دوژمنایەتی لای ئەكتەرە نادەوڵەتییەكان و چەند بابەتێكی تری گرنگ دەبینێتەوە .

پاشان بەرنامەی سیمپۆزیۆمەكە دەستیپێكرد، كە گروپی یەكەم ، لە لایەن هەریەك لە پرۆفیسۆری یاریدەدەر د. ئومێد ڕەفیق كە باسی لە بەهاو هاوڕێیەتی لە سیاسەتدا كرد، بۆ ئەو بابەتەش دیدی ماكس وێبەر و كانتی خستە روو لە بەها و هاوڕێیەتی لە سیاسەتدا .

دواتر لە لایەن د. ئومێد حەمەفەرەج، باس لە بابەتی هاوڕێ و دوژمن لەبواری پەیوەندییە نێودەوڵەتییەكاندا كرا كە تێدا دیدی بیرمەندو فەیلەسوفە واقیع گەراییەكان و ئەوەدانەی دەرەوەی واقیع گەرایی لەسەر هاوڕێ و دوژمن لەبواری پەیوەندییە نێودەوڵەتییەكاندا، هەروەها بەوردی باسی لە پەیوەندی نێوان دەوڵەتان كرد لە رووی ململامنێكانیان و دوژمنایەتییان و هەروەها بەرژەوەندییەكانیان.

پاشان لەلایەن مامۆستا كاردۆ محەمەد بابەتێك لەسەر رێكخستنی پەیوەندی هاوڕێیەتی و دوژمنایەتی لای ئەكتەرەنادەوڵەتییەكان پێشكەشكرا .

گروپی دووەمی سیمپۆزیۆمەكە بریتی بوو لە باسكردن لە ئایدۆلۆژیا و پیشەسازی دروستكردنی دوژمن ، كە لەلایەنە د. عابد خالید-ەوە پێشكەشكرا، هەروەها بابەتی هاوڕێ لەفەلسەفەی سیاسیدا كارل شمیت بە نموونە لەلایەن د. ئازاد حەمە ەوە پێشكەشكرا، هەروەها بابەتی رەهەندی فەلسەفی چەمكی هاوڕێیەتی سیاسی لەلایەن  مامۆستا جەبار ئەحمەد-ەوە پێشكەشكرا، داتر بابەتی چەمكی هاوڕێیەتی لە ڕوانگەی فەرلسەفەی سیاسی (هانا ئاڕنێت)دا، لەلایەن مامۆستا موبارەك عەزیز-ەوە پێشكەشكرا.

لە كۆتایی سیمپۆزیۆمەكەدا دەرگای گفتوگۆ پرسیاركردن لەسەر كۆی بابەتەكان بۆ ئامادەبووان كرایەوەو گفتوگۆییەكی وردی زانستییانە لەسەر سەرجەم  بابەتەكان كرا.