گۆڤاری ئایندەناسی، ژماره 26-ی كانونی یەكەمی 2025، ساڵی شەشەم، كه‌وته‌ بەر دیدی خوێنەران. گۆڤاری ئایندەناسی، گرنگی بە توێژینەوە ستراتیژی و ئایندەییەكان دەدات، وەرزانە لە لایەن “سەنتەری لێكۆڵینەوەی ئایندەیی” دەردەچێت.

ژمارەی نوێی گۆڤاری ئایندەناسی تایبەت كراوە بە دۆسێی ڕێگا و ڕێرەوە بازرگانییەكان و پێگە و ئایندەی عێراق و هەرێمی كوردستان تێیدا؛ وەک نەریتی هەر ژمارەیەکیش، کتێبێکی ئایندەیی، چەمکێکی ئایندەیی و ڕاپۆڕتێكی تایبەت بۆ دۆسێی گۆڤارەكە ئامادە کراوە.

ژمارەی بیست و شەشی گۆڤاری ئایندەناسی ئەم بابەتانە لە خۆ دەگرێت:

♦  سەروتار

– ڕێڕەوە بازرگانییەکان؛ هەل و هەڕەشەکان/ هەردی مەهدی میكە

♦  توێژینەوەی ناوخۆیی

– پڕۆژەی ڕێگای گەشەپێدان و كاریگەریی لە سەر ئاسۆی ئایندەی پەیوەندییەكانی نێوان هەرێمی كوردستان و عێراقی فیدراڵ/ كازم ئەحمەد سەدرەدین

– ئاڵنگاری و بەربەستەكانی پەیوەندییە بازرگانییەکانی ئوسترالیا و چین؛ دەرفەتێک بۆ تێگەیشتن لە ئایندەی بازرگانیی چین لە عێراق و کوردستان/ سەروەت عەبدوڵا

– جێگرەوە ستراتیژییەکانى وڵاتانى کەنداو لە ئەگەرى داخستنى گەرووى هورمزدا/ بەختیار ئەحمە ساڵح

– ئاڵۆزییەکانی دەریای سوور و ڕەوشی بازرگانیی جیهانی؛ دەستپێکی قۆناغێکی نوێ/ د. زانا كەریم

  ♦ توێژینەوەی وەرگێڕاو

– جەنگی كۆریدۆرە بازرگانییەکان: هەڵکشانی ململانێکان لە نێوان چین، ڕووسیا، ئێران و ڕۆژئاوا/ وەرگێڕان لە ئینگلیزییەوە: بەهرە مەهدی

– كۆریدۆری هیندستان-ئەورووپا: داھاتوویەکی نادیار لە نێوان ھاوکاری و کێبڕکێدا/ و. نەورۆز محەمەد عەبدولڕەحمان

♦  ڕاپۆڕتی ئایندەیی

– له‌ ڕێگه‌ی ئاوریشمییه‌وه‌ بۆ ڕێگای دیجیتاڵی و شه‌ڕی مایكرۆچیپس/ ئامادەكردن: سەنگە ڕەسووڵ

– گرنگیی ستراتیژی و کاریگەریی جیۆئابووریی ڕێگە بازرگانییەکان لە سەر عێراق و هەرێمی کوردستان/ ئامادەكردن: د. ژیلوان لەتیف یارئەحمەد

♦  کتێبی ئایندەیی

– کۆریدۆری ناوەڕاست: مامەڵەكردن لەگەڵ واقیعەکانی ئێستا و ئامێزگرتنی ئاسۆکانی ئایندە/ ئامادەكردن: ئایندەناسی

♦  فەرهەنگی ئایندەناسی

– كۆریدۆری ترانزێت (Transit Corridor)/ ئامادەكردن: ئایندەناسی

ئامانجی گۆڤاری ئایندەناسی، گرنگیدانە بە لێکۆڵینەوەکانی ستراتیژی و ئایندەیی بە تەوەرێتی و گرنگیدانی بە کوردستان و هەرێمایەتی و دۆخی نێودەوڵەتی پەیوەست بە ناوچەکەوە بە ئامانجی تێگەیشتن لە ئێستا و ئایندەی وەرچەرخانە جیهانیی و هەرێمییەکان و کاریگەرییان لەسەر کوردستان. بواری توێژینەوەی ئەم گۆڤارە بریتییە لە سیاسەتڕێژی کورتمەودا و دورمەودای کوردستانی، شرۆڤەی سیاسەتی وڵاتانی هەرێمایەتی.